او هغه کسان چه خفه کوی مؤمنان سړی او مؤمنی زنانه بغیر دجرم نه چه دوی کړی وی نویقیناً پورته کړه دوی (په ځان باندی) بدنامه او گناه ښکاره -

په دی آیت کښی هم تخویف دی په تکلیف رسولو سره مؤمنانوته که سړی وی اوکه زنانه وی - اذیت داهل ایمان په اقوالو او افعالودواړوسره حرام دی - اقوال دادی کنځل کول، توهین کول، غیبت کول، بهتان تړل، په هغوی باندی، دنسب په وجه سره سپکول وغیره او افعال دادی وهل دهغوی هغوی ته سپک کتل - په مؤمنانو زنانوپسی گرځیدل اوهغوی ته کتل دهغوی بی پردی کول وغیره - قرطبی وئیلی دی چه اللّه تعالٰی اذیت د اللّه اودرسول کفرگرځولی دی اواذیت دمؤمنانو ئی گناه کبیره گرځولی دی - په دی آیت کښی لوی تخویف دی شیعگانو او روافضواو دشمنانود صحابه کرامو ته چه په اعتماد کولوسره په موضوعی اوضعیف تاریخی روایتونو سره په پیغمبراوصحابه کرامو پسی بدرد وائی -