نو هرکله چه پوره کړئ‌ مونځ نو خواره شئ په ملک کښی او اولټوئ د فضل د اللّه تعالٰی نه او یادوئ اللّه تعالٰی لره ډیر ددی دپاره چه کامیاب شئ -

په دی کښی اشاره ده فرق ته په مینځ د احترام د ورځ دجمعی په دین ځمونږکښی او احترام دثبت په نیز دیهودیانو چه په هغوی باندی د سبت په ټوله ورځ کښی کار ددنیا حرام وؤ اوځمونږ په دین کښی روستو دفراغ د مونځ دجمعی نه امردی په تجارت او طلب دروزئ سره - قاسمی وئیلی دی چه روستو د مونځ دجمعی نه څلور رکعته د ماسپخین (چه هغی ته احتیاطی مونځ وئیلی کیږی) دا مذهبی تعصب اوبی دلیله عمل دی (فَانْتَشِرُوا فِي الْأَرْضِ) مراد په امر سره وجوب د انتشار نه دی بلکه مخالفت کول دی د اهل کتاب نه په تعطیل دورځ د خالی او اتوار کښی (وَابْتَغُوا مِنْ فَضْلِ اللَّهِ) عام دی تجارت کول، عیادت دبیمار، ملاقات د ورور مسلمان اوطلب دعلم ټولو ته شامل دی (وَاذْكُرُوا اللَّهَ كَثِيرًا) مراد دا چه هیڅ وخت د اللّه تعالٰی دیاداشت نه غفلت مه کوئ په ژبه او په زړه اوپه طاعت سره اومونځ دمازیگر ته هم اشاره ده او ډیروالی د ذکر په توحید او اخلاص او موافق دسنت سره راځی -