إِنَّ اللَّهَ اصْطَفَى آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ
یقیناً اللّه تعالٰی غوره کړی دی آدم علیه السلام اونوح علیه السلام او اولاد د ابراهیم علیه السلام اواولاد دعمران علیه السلام په ټولو خلقو باندی -
په دی آیت کښی رد دی په نصاریٰ باندی چه عیسیٰ علیه السلام پشت په پشت دانسانانونه پیدا شوی دی نوولد د اللّه تعالٰی یا الٰه څنگه کیدی شی ، بل بیان دعبدیت او عجز دټولو انیباؤ دی سره دفضیلت دهغوی نه اوشاره دیته چه فضیلت دانسان هغه لره الوهیت ته نه رسوی -
فائده: داڅلورئی خاص کړل ځکه چه دوی د پیغمبرانو آباوؤ - آدم علیه السلام دټولو انسانانو پلار دی اونوح علیه السلام روستو دغرق د قوم نوح نه دانسانانو پلار وؤ ټول نسل په دنیا صرف دده نه وؤ - ابراهیم علیه السلام پلار دانبیاؤ دی که بنی اسرائیل دی اوکه بنی اسماعیل دی اوعمران پلار دانبیاؤ دبنی اسرائیلو دی روستو د موسیٰ علیه السلام نه -